ഉജ്ജയിനിയിലെ കലാകാരൻ.
---------------------------------
ഉജ്ജയിനിയിലെ പ്രിയ കലാകാരാ
ആരായിരുന്നു നീയെനിക്ക് ഇന്നലേകളിൽ
നൂൽ പാടിനോളം പരിചിതർ ആയിരുന്നില്ല
കർമ്മബന്ധങ്ങളിൽ പരിചയം ഭാവിച്ചവർ
ഞാൻ നിന്റെ കാല്ക്കൽ പ്രണമിച്ചത് നീതന്നെ,
ഞാൻ എന്നതിരിച്ചറിവിൽ ആയിരുന്നു
നിന്റെ വരകളിൽ വർണ്ണങ്ങളിൽ
അഭൗമമാമൊരു വിസ്മയം കാണ്മു ഞാൻ
എങ്ങുനിന്നോ എന്നെ തിരയുമൊരു
വേണുസ്വാനവും ഓഴുകിയെത്തുകയാണ്‌
കരാംഗുലികളിൽ കാഴ്ച്ചകൾ ഒരുക്കുന്നു
മുളംതണ്ടാൽ സപ്തസ്വരങ്ങളും വിരിയിക്കുന്നു
ഏതുവക്കാൽ ചൊല്ലണം ഞാൻ
നന്ദി, ഏതുവാക്കാൽ സ്നേഹിക്കണം നിന്നെ
കാണും തോറും അവാച്യമാകുന്നു ചിത്രലേഖം
അറിയും തോറും വിസ്മയവുമാകുന്നു നീയും
നിഗൂഢമാം പ്രണയം വിളിക്കുന്നുവോ നിൻ,
പരിലേഖങ്ങളെല്ലാം ആ കാല്പാടുകളെഴുതുന്നു
ഇനിയും ഉയർന്നുണരട്ടെ കല്പ്പനകളുടെ,
രജതമേഘങ്ങളിൽ വിരിയും വർണ്ണവിതാനങ്ങൾ
മേമ്പൊടിയുണർത്താൻ നിൻശ്വാസമൊഴുകും
ഈറത്തണ്ടിലീണം മൂളും നാദമയൂഖങ്ങളും....
പ്രണമിക്കുന്നു ഞാനാ ഈശ്വരസാധനകളേ
പ്രണമിക്കുന്നു വിശ്വനാഭിതൻ ഓംകാരത്തെ.....
-----------------------------------------------------
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ